မေးခွန်းပေါင်းများစွာ ... ?????

ချစ်သူတွေ တစ်ယောက်နဲ့တစ်ယောက် "ချစ်ပါတယ်" လို့ပြောနေကြပြီး နောက်ပိုင်းမှာ ဘာဖြစ်လို့ လမ်းခွဲဖြစ်ကြတာလဲ?

ရည်းစားတော်တော်များများထားဖူးတဲ့သူတစ်ယောက်ကို "ဘယ်ရည်းစားကို အချစ်ဆုံးလဲ?" လို့မေးရင် ဘယ်လိုဖြေမယ်ထင်လဲ....

အခုလက်ရှိတစ်ယောက်ကို အချစ်ဆုံးပါလို့ဖြေရင် အရင်ကသူတွေကို "ချစ်တယ်" လို့ပြောခဲ့တာတွေဟာ အစစ်အမှန်မဟုတ်ခဲ့ဘူးလား? ... ဒါဆိုရင် အခုတစ်ယောက်ကို "ချစ်တယ်" လို့ပြောနေတာကိုရော ယုံကြည်စိတ်ချစွာ လက်ခံနိုင်ပါ့မလား ...

???????????????????????????????????

လူသားတိုင်းမှာ အသက်တစ်ချောင်းစီသာ အသီးသီးပိုင်ဆိုင်ကြတာပါ ... ဘယ်လိုလူမျိုးမဆို ကိုယ့်အပေါ်မှာ အများတကာက သတ်မှတ်ထားတဲ့ ၀ိသေသ၊ရာထူး၊ဂုဏ်ထူး အားလုံးကိုဖယ်ရှားကြည့်မယ်ဆိုရင် လှုပ်ရှားရှင်သန်နေရတဲ့ ဒီကိုယ်ခန္ဓာကြီးကလွဲရင် ဘာမှမထူးဆန်းတန်းတူပါပဲ ... ဒါကို ကိုယ့်အသက်က သူတစ်ပါးထက်ပို အရေးပါနေလို့ ကိုယ်သာရှင်သင့်တယ် ဆိုတဲ့အတွေးအခေါ်မျိုး ရှိနေရင် ...........................................

မေးခွန်းတွေခေါင်းထဲ ဆက်တိုက်ပေါ်လာကြပြီး အဖြေမရှိတဲ့အခါ(ဒါမှမဟုတ်) ကိုယ်တိုင်သဘောကျလက်ခံနိုင်တဲ့ မှန်ကန်တဲ့အဖြေမျိုးရှာမတွေ့တဲ့အခါ ...... မေးခွန်းပေါင်းများစွာဟာ နောက်ဆုံးမှာတော့ "မသိဘူး" ဆိုတဲ့အဖြေဆီပဲသွားနေမလား? ဆိုတဲ့ မေးခွန်းတစ်ခုကိုထပ်မေးနေမိပြန်တယ်။

Shinn Thant Moe

နှစ်သစ်နဲ့ ကျွန်မ

2011 ...

အနိစ္စသဘောတွေကို ဥပေက္ခာပြုပြီး ဒုက္ခကို ချိုမြိန်စွာသောက်သုံးနေမိတယ်။
အနတ္တကို အတ္တတွေဖုံးလွှမ်းပြီး ကိုယ့်စိတ်ကိုကိုယ်တိုင် မီးမြိုက်နေမိလို့ မျက်ရည်တွေတောင် ခမ်းခြောက်နေခဲ့ပေါ့။
နာကျင်မှု၊ ပျော်ရွှင်မှု၊ ပူဆွေးမှု၊ ငြိမ်းအေးမှု .... အစွန်းထွက်မှုတွေနဲ့ ငြိစွန်းခဲ့မိလို့ ခြစ်ရာဒဏ်ရာတွေတောင် မကျက်ချင်ကြသေး ... ဘယ်အချိန်အထိ ၀င်သက်ထွက်သက်ရှိနေလိမ့်ဦးမယ်လို့ မသေချာတဲ့ဘ၀မှာ... ဘာတွေကို ထပ်လိုချင်သေးတာလဲ? ဘာတွေကိုမျှော်လင့်နေတာလဲ? ....
နောင်တတွေ ပူဆွေးမှုတွေ မရှိရလေအောင် တတ်နိုင်သမျှကြိုးစားရင်း ... ဓမ္မကိုနှလုံးသွင်းရင်း ...
ကျွန်မ ..........
ဒီနှစ်ကိုလည်း ကျောခိုင်းနှုတ်ဆက်နိုင်ဖို့ ပြင်ဆင်ရပေဦးမည်။


အားလုံး နှစ်သစ်မှာ မင်္ဂလာအပေါင်းနှင့် ပြည့်စုံနိုင်ပါစေကြောင်း တောင်းဆုပြုလျှက် ...
Shinn Thant Moe

Christmas နေ့တစ်နေ့

2010 Christmas နေ့ ....

အလုပ်ပိတ်တယ်။ အပြင်မှာ အတော်အေးတယ် ... အိမ်မှာ သူငယ်ချင်းတွေနဲ့စုပြီး ချက်စားကြတယ် .. ကြာဇံချက်၊ ရွှေတောင်ခေါက်ဆွဲ ... မုန့်တွေအစုံ နဲ့ ကစားကြ၊ ရုပ်ရှင်ကြည့်ကြနဲ့ ... ပျော်ရွှင်ဖွယ်နေ့လေးပါပဲ
ရာသီဥတုက နောက်နေ့တွေမှာ ရာသီဥတုဆိုးဖို့ရှိတယ်လို့ ကြားနေရတယ်။ သိပ်ပြီးအခြေအနေမဆိုးဖို့ မျှော်လင့်ရတာပဲ။ ...
ခရစ်စမတ်နေ့ရယ်လို့ သတ်မှတ်ကျင်းပကြတာမဟုတ်ကြဘဲနဲ့ မတွေ့တာကြာပြီဖြစ်လို့ သူငယ်ချင်းတွေစုံကြရတဲ့ နေ့လေးတစ်နေ့ပါပဲ။ Holiday Season တစ်ချို့တွေလည်း အမိမြေကိုပြန်ကြ၊ တစ်ချို့လည်း မိသားစုရှိရာအရပ်မှာ သွားရောက်ဆုံဆည်းကြနဲ့ ..... သူငယ်ချင်းတွေ အားလုံးမစုံကြပေမယ့် အမှတ်တရရှိခဲ့ပါတယ်။ ...
အားလုံးလည်း Christmas မှာ ပျှော်ရွှင်ကျန်းမာရွှင်လန်းရစေကြောင်း ဆုတောင်းပြုရင်း ..

Merry Christmas !


Shinn Thant Moe

မှတ်ချက်။ ။ အမှတ်တရနေ့လေးတစ်နေ့အဖြစ်မှတ်တမ်းတင်ချင်ရုံသက်သက်ပါပဲ။...

December ခံစားမှု မှတ်တမ်း

2010 December

လဆန်းပိုင်း .... ကြည်နူးမှုတွေ စိတ်လွတ်လပ်မှုတွေ နဲ့ ပျော်ရွှင်စွာ စတင်ဝင်ရောက်လာခဲ့တယ်။

လလယ်ပိုင်း .... အေးစက်မှုတွေ ရှုပ်ထွေးမှုတွေ နဲ့ ဘာမှန်းမသိ ကုန်လွန်သွားတယ်။

လကုန်ပိုင်း .... မျှော်လင့်ချက်တွေ ရုန်းကန်မှုတွေနဲ့ အထီးကျန်စွာ ကုန်ဆုံးရမယ်။

December Holidays တွေမှာ ....
စုံတွဲတွေ ကြည်နူးပြုံးပျော်နေကြတာတွေ မြင်နေရချိန် ... ဘယ်ဆီမှာရှိနေမှန်း မသိသူတစ်ဦးကို လွမ်းဆွေးမိတယ်။
မိသားစု စုံစုံညီညီနဲ့ အပြုံးတွေကို မြင်နေရချိန် .... အဝေးက မိဘရဲ့ နွေးထွေးတဲ့မေတ္တာရင်ခွင်ကို လွမ်းနေမိတယ်။
သူများတွေ အမိမြေ(မြန်မာပြည်)ကို ပြန်ကြဖို့ အစီအစဉ်တကျ ပြင်ဆင်နေတာကို မြင်ရချိန် .... အားကျစွာနဲ့ တစ်နေ့ကိုယ်လည်း ပြန်နိုင်မယ့်ရက်ကို မျှော်မှန်းရေတွက်နေမိတယ်။

ဘယ်လိုပဲဖြစ်ဖြစ် ကျွန်မရောက်နေတဲ့အရပ်မှာ ကျွန်မကို ချစ်ခင်ဂရုစိုက်စောင့်ရှောက်ပေးနေကြတဲ့သူတွေနဲ့အတူ 2010 ကို အပြုံးနဲ့ လက်ပြနှုတ်ဆက် နိုင်မယ်လို့ယုံကြည်မိပါတယ်။
.........................

Merry Christmas & Happy New Year to you all !


Shinn Thant Moe

ရဝေနွယ် (အင်းမ): ရွှေစကားတို့ရဲ့မြစ်ဖျား

ရဝေနွယ် (အင်းမ): ရွှေစကားတို့ရဲ့မြစ်ဖျား:

From:http://yawainwe.blogspot.com/2010/06/blog-post_7737.html


တန်ဆောင်မုန်းလပြည့်နေ့မှာ မှတ်မှတ်ရရဖတ်ဖြစ်နေတဲ့စာအုပ်လေးပါ။ ဆရာတော် ရဝေနွယ်(အင်းမ) ရဲ့ ဘလော့ဆိုက်ကနေ ဖတ်ဖြစ်ခဲ့တာပါ။ အားလုံးကိုလည်း ဖတ်ကြည့်စေချင်လို့ ဓမ္မဒါန ဝေမျှလိုက်ပါတယ်။ အားလုံးပဲ ဆေးပေါင်းခတဲ့ တန်ဆောင်မုန်းလပြည့်နေ့မှာ မင်္ဂလာအပေါင်းနဲ့ ပြည့်စုံနိုင်ကြပါစေလို့ ဆုတောင်းမေတ္တာပို့သပါတယ်။


လေးစားစွာဖြင့်
Shinn Thant Moe

You'll Be In My Heart ...

အခုတလော ကိစ္စတစ်ခုနဲ့ စိတ်မအေးနိုင်ဖြစ်နေတယ်။ ... အားလုံးအဆင်ပြေသွားမှာပါ လို့ ကိုယ့်ကိုယ်ကို အားပေးနေပေမယ့်လည်း ချစ်သောသူများရဲ့ အားပေးမှု၊ ကြင်နာမှု တွေကို ပိုတောင့်တနေမိတယ်။ အမေ့ကို အနားနားမှာ ရှိနေစေချင်တယ်။ stress တွေများပြီး စိတ်ဓါတ်က ဟိုးအောက်ဆုံးကို ရောက်နေတယ်။ .... ဒီလောက် တရားကို လေ့လာလိုက်စားနေပြီး တရားမရှိရကောင်းလားလို့ဆိုလာရင်လည်း ခံရမှာပဲ ကိုယ်ကတရားပြည့်ဝနေတဲ့ သူတော်စင်မှ မဟုတ်သေးတာ။ မနေ့က ဒီသီချင်းလေးနားထောင်ရင်း ငိုမိတယ်။ ... တစ်ခါတစ်လေငိုလိုက်ရတာက စိတ်တင်းထားရတာထက်တော့ သက်သာပါသေးတယ်။ ... သူများကို စိတ်ညစ်အောင်ကြီးပဲ ပြောနေမိပြီ။ ဒီသီချင်းလေးက မိုးအကြိုက်ဆုံး သီချင်းများထဲက တစ်ပုဒ်ပါ။ .. သူငယ်ချင်းများအားလုံး ကိုယ်စိတ်ရွှင်လန်းကြပါစေလို့ ဆုတောင်းနေရင်း


Shinn Thant Moe
**သီချင်းကို ဒီကယူတယ် http://www.youtube.com/watch?v=dBccDxGBCFY

ယောကျာ်းတစ်ယောက်ရဲ့ ဖွင့်ဟ၀န်ခံချက် ..... *

ခြေသံမကြားအောင် ခပ်ဖွဖွလှမ်းလျှောက်သွားပြီး ဆိုဖာပေါ်တွင် အိပ်ပျော်နေသော သူမအား ခပ်ဖွဖွငုံ့နမ်းလိုက်သည်။ သူမနိုးသွားပြီး မျက်လုံးဖွင့်ကြည့်လာတော့ "I love you"လို့ သူမကြားသာရုံရေရွတ် နှုတ်ဆက်လိုက်တယ်။ သူမရဲ့ တင်းတင်းစေ့ထားသော နှုတ်ခမ်းနှစ်လွှာတို့မှာ မပွင့်တပွင့် အပြုံးတစ်ခု ဝေဆာလာခဲ့လေသည်။ "ကိုယ်ရေချိုးပြီးတာနဲ့ ထမင်းစားကြတာပေါ့" လို့ ဇနီးသည်ကို လှမ်းပြောလိုက်ပြီး ရေချိုးခန်းသို့ ၀င်ခဲ့သည်။ ရေချိုးခန်းရဲ့ အားကောင်းသော လျှပ်စစ်မီးရောင်အောက်မှာ ကိုယ့်ကိုယ်ကို မှန်ထဲကြည့်မိတော့ အင်္ကျီကော်လံ အထက်မေးစေ့နားမှာ စွန်းပေနေတဲ့ နှုတ်ခမ်းနီရာတစ်စုံ .... ။ သူချက်ချင်းပြုံးမိလျှက် ရေဖြင့် အလျှင်အမြန်ဖျက်မိ၏။ အတွေးက ထိုနှုတ်ခမ်းပိုင်ရှင်ဆီသို့္ဒအလျှင်အမြန်ပင်ရောက်ရှိသွားခဲ့ လေသည်။ သူမ .... ကျွန်တော့်ရဲ့ငွေလမင်း .... "စန္ဒာ"။ ရေချိုးပြီး အခန်းထဲ ရောက်ရောက်ချင်း ဟန်းဖုန်းဖြင့် သူမအားခေါ်၍ အိမ်သို့ ပြန်ရောက်နေပြီ ဖြစ်ကြောင်း၊ ဒီနေ့ညနေ အတူတူရှိခဲ့တဲ့ အချိန်တွေအတွက် သူမအား ကျေးဇူးတင်ကြောင်းပြော၍ " Good night"လို့ အပြန်အလှန် နှုတ်ဆက်ဖြစ်ခဲ့ကြသည်။ ....
ဇနီးသည် ထုတ်ပေးထားသော အိမ်နေရင် အင်္ကျီကိုလဲရင်း အတွေးလွန်နေမိတယ်။ ဟုတ်ကဲ့ ကျွန်တော့်မှာ ချစ်ရမည့်သူ နှစ်ဦးရှိနေပါတယ်။ သစ္စာမရှိသူလို့ ခေါ်ချင်ခေါ်၊ သူယုတ်မာလို့ ဆိုချင်ဆို ကျွန်တော် ဂရုမစိုက်ပါ..... လူနှစ်ယောက်ကို ချစ်ခွင့်မရှိဘူးလို့ ဘယ်ဥပဒေ၊ ဘယ်တန်ခိုးရှင်ကမှ ပညတ်မထားပါ။ သူမတို့ နှစ်ယောက်ဟာ ကျွန်တော့်ဘ၀အတွက် နေမင်းနဲ့ လမင်းပါပဲ .... ကျွန်တော့်ရဲ့ နေမင်းလို့ တင်စားရမယ့် ချစ်ဇနီး "နွေး" မရှိရင်ကျွန်တော့်ဘ၀ အမှောင်ဖုံးနေမှာဖြစ်သလို ကျွန်တော့်လမင်း "စန္ဒာ" မရှိရင်လည်း ကျွန်တော့်ဘ၀ အေးချမ်းမှု မရှိနိုင်ပါ။ ကျွန်တော့်တို့ ဇာတ်လမ်းက ဟိုသီချင်းထဲကလို ... "နှစ်ယောက်စလုံးကိုလည်း ချစ်တယ်၊ နှစ်ယောက်စလုံးကလည်း ချစ်တယ်" ဆိုတာမျိုးလိုပါပဲ။ ဒါပေမယ့် တစ်ခုကွာတာက ကျွန်တော်က အဲဒီသီချင်းထဲက အဆိုတော်လို ကိုယ့်ကိုယ်ကို သတ်သေမယ့် အဖြစ်မျိုး တစ်ခါမှ မတွေးမိတာပါပဲ။ .... ကျွန်တော့်အနေနဲ့ သူမတို့နှစ်ယောက်ရဲ့ အချစ်နဲ့ ထိုက်တန်သူလို့ ကိုယ့်ကိုယ်ကို ယုံကြည်မှု ရှိနေလို့ပါ။ အတ္တကြီးတယ်လို့ ပြောပြော ..... ကျွန်တော့်ကြောင့် သူတို့နှစ်ယောက် စိတ်ညစ်ခဲ့ရဖူးခြင်းမရှိဘူးလို့ ယုံကြည်ပါတယ်။ .......................................................... သို့သော် ........... ကျွန်တော့်ရဲ့ လုပ်ရပ်ဟာ အပြစ်တစ်ခုအဖြစ်နဲ့ ဘုရားသခင်ရဲ့ ပြစ်ဒဏ်စီရင်ခြင်းခံရမယ်ဆိုရင်လည်း .... ရဲရဲ ခံယူဖို့ အသင့်ပါ။



လေးစားစွာဖြင့်
Shinn Thant Moe

* ဆရာမ ဂျူးရဲ့ ၀တ္တုခေါင်းစဉ်ကို မှီငြမ်းသည်။